25 ನೇ ದಿನಾಂಕದಲ್ಲಿ ಹುಟ್ಟಿದವರ ಸಂಖ್ಯಾಶಾಸ್ತ್ರದ ಪ್ರಕಾರ ವಿವರಣೆ & ಗುಣಸ್ವಭಾವ | Numerology for date of birth 25
ಸಂಖ್ಯೆ – 25
ಈ ಸಂಖ್ಯೆಯ ವ್ಯಕ್ತಿಗಳು ಗಂಭೀರವಂತರು, ವಿಚಾರವಾದಿಗಳು, ದೀರ್ಘಾಲೋಚನಾಪರರು, ಗುಣವಂತರು, ಪ್ರತಿಯೊಂದು ವಿಚಾರದಲ್ಲೂ ಸರಳವಾಗಿ ಅರ್ಥಮಾಡಿಕೊಂಡು ಮುಂದುವರೆಯುವರು.
ಇವರು ಮಾತಿನಲ್ಲಿ ಎಲ್ಲರನ್ನೂ ಮೆಚ್ಚಿಸುವರು, ಎಲ್ಲರನ್ನೂ ಆಕರ್ಷಿಸುವರು. ಇವರ ವಾದವಿವಾದಕ್ಕೆ ಎಂತಹ ವ್ಯಕ್ತಿಯಾದರೂ ತಲೆ ಬಾಗಿಸುವರು.
ಇವರಲ್ಲಿ ವಿವೇಚನಾತ್ಮಕ ಶಕ್ತಿ ಇದೆ. ಪ್ರತಿಯೊಂದು ವಿಚಾರವನ್ನೂ ಎಳೆ ಎಳೆಯಾಗಿ ಬಿಡಿಸುವರು. ಸಿಕ್ಕುಗಳಿದ್ದರೆ ಅದನ್ನು ತಮ್ಮ ಬುದ್ದಿವಂತಿಕೆಯಿಂದ ಬಿಡಿಸಿ ಅಪಾಯದಿಂದ ಪಾರು ಮಾಡುವರು.
ಇವರು ಯಾರನ್ನೂ ನಂಬುವುದಿಲ್ಲ. ನಂಬಿದರೆ ತಮ್ಮ ಶಕ್ತಿ ಮೀರಿ ಅವರಿಗೆ ಸಹಾಯ ಮಾಡುವರು. ಇವರಿಗೆ ಮೇಲ್ನೋಟದ ಜನ ಹಿಡಿಸಲಾರರು. ಯಾವುದನ್ನು ಮಾಡಿದರೂ ಶ್ರದ್ಧಾ, ಭಕ್ತಿವಹಿಸಿ ಎಲ್ಲರಿಗಿಂತ ಚೆನ್ನಾಗಿಯೇ ಮಾಡಿ ಮುಗಿಸುವರು.